وزیراعظم محمد شہباز شریف دی قوم توں باران رحمت سانڳے نماز استسقاء پڑھݨ دی اپیل

اسلام آباد۔14نومبر(اے پی پی) وزیراعظم محمد شہباز شریف قوم توں باران رحمت سانڳے نمازاستسقاء پڑھݨ دی اپیل کیتی اے ۔ وزیر اعظم آفس دے پریس ونگ توں جاری بیان موجب وزیراعظم قوم توں درخواست کیتی اے جو او نماز استسقاء ادا کرے تے اللہ تعالیٰ توں باران رحمت سانڳے خصوصی دعا منڳی ونڄے ۔وزیراعظم علمائے کرام اتے مشائخ عظام کوں آکھیے او خاص طور تے نماز استسقاء دے اہتمام اچ آپݨا کردار نبھاون ،مینھ وسݨ توں ماحول اچ بہتری آسی ، بیماریاں توں نجات ملݨ اچ وݙی مدد مل سڳدی اے ۔وزیراعظم آکھیے اللہ تعالیٰ دے حضور خصوصی دعاواں کیتیاں ونڄن تاں جو انسانی زندگی کوں ایں تکلیف توں نجات مل سڳے ۔ وزیراعظم آکھیے وفاق تے صوبیں دے زیر اہتمام ساریاں مسیتاں اچ نماز استسقاء دا اہتمام کیتا ونڄے ،موجودہ صورتحال اچ باران رحمت دی شدید لوڑھ اے۔

مضمون کا ماخذ : loteria instantânea

متعلقہ مضامین