قائم مقام صدر سید یوسف رضا گیلانی وفاقی سطح تے محتسبین دے احکامات دے خلاف درخواستاں دی سماعت کیتی

اسلام آباد۔5نومبر (اے پی پی) قائم مقام صدر سید یوسف رضا گیلانی منگل کوں اسلام آباد اچ وفاقی سطح تے محتسبین دے احکامات دے خلاف درخواستاں دی سماعت کیتی۔ ایوان صدر دے پریس ونگ توں جاری بیان موجب ایں موقع تے انہاں نمائندگیاں تے کاروائی اتے فیصلہ کرݨ کیتے صدرپاکستان ولوں نامزد تھیے جسٹس (ر) عرفان قادروی موجود ہن۔ انہاں نمائندگیاں اچ وفاقی محتسب کم دی ڄاہ تے ہراساں کرݨ دے خلاف تحفظ کیتے وفاقی محتسب اتے وفاقی انشورنس محتسب بارے معاملات شامل ہن۔ سماعت دے بعد قائم مقام صدر آکھیا جو گزریل چھی مہینے اچ صدرمملکت آپݨے نامزد کیتے نمائندے دے ذریعے سینکڑاں مقدمیاں دا فیصلہ کیتے جئیں اچ ایگزیکٹو دی بدانتظامی تے غریباں، بیواؤاں، معذور افراد بشمول اقلیتاں اتے پسماندہ علاقیاں توں تعلق رکھݨ آلیاں کوں ریلیف ݙتا ڳئے۔ قائم مقام صدر آکھیا جو شہریاں اتے ٻاہرلے ملک رہݨ آلے پاکستانیاں کوں ٹیکسیشن اتے بینکنگ سیکٹر اچ وی وݙے پیمانے تے ریلیف ݙتا ڳئے۔ قائم مقام صدر آکھیا جو میڈیا کوں لوکاں کوں ایں ڳالھ بارے ݙساوݨ دی لوڑھ اے جو وفاقی سطح تے محتسٻ دے دفتر ٻݨاوݨ نال وݙی تعداد اچ شکایتاں دا پہلے ای ازالہ کیتا ڳئے اتے آوݨ آلے ݙینھ اچ ٻیا وی ازالہ کیتا ویسی۔

مضمون کا ماخذ : raspadinha acumulada

متعلقہ مضامین