چوراں اتے لٹیریاں دے خلاف جدوجہد جاری رہسی، آرٹیکل 63 اے آئین دا بنیادی حصہ اے، لوکاں دے ضمیر ڳھنݨ، لوٹا کریسی، اتے منتخب حکومت دے خلاف سازش تے عدالت عظمیٰ توں تشریح منڳی اے، وفاقی وزیر اطلاعات چوہدری فواد حسین دی میڈیا نال ڳالھ مہاڑ
APP52-170821
ISLAMABAD: August 17 - Federal Minister for Information and Broadcasting, Chaudhary Fawad Hussain briefing to media persons about the decisions taken in Federal Cabinet meeting. APP
اسلام آباد۔21مارچ (اے پی پی) وفاقی وزیر اطلاعات تے نشریات چوہدری فواد حسین آکھیا جو چوراں اتے لٹیریاں دے خلاف جدوجہد جاری رہسی، آرٹیکل 63 اے آئین دا بنیادی حصہ اے، لوکاں دے ضمیر ڳھنݨ، لوٹا کریسی، اتے منتخب حکومت دے خلاف سازش تے عدالت عظمیٰ توں تشریح منڳی اے۔ سپریم کورٹ توں جو وی جواب امسی، او عوام دے سامھے رکھیسوں۔ او آئی سی وزراء خارجہ کانفرنس دے خلاف جتنی سازش اپوزیشن کیتی اے اتنی بھارت اتے اسرائیل وی کائنی کیتی۔ ن لیگ دا میڈیا سیل پی ٹی آئی دی ڈی پیز ٻݨا تے فوج دے خلاف مہم چلیندا پئے۔ فوج اتے پی ٹی آئی اچ تفرقہ پاوݨ دے ن لیگ دی سازش کݙاہیں کامیاب نہ تھیسی۔ اے ڳالھیں انہاں سنوار کوں سپریم کورٹ دے ٻاہر میڈیا نال ڳالھ مہاڑ کریندیں ہوئیں آکھی۔ ایں موقع تے وفاقی وزیر توانائی حماد اظہر اتے مشیر برائے پارلیمانی امور ڈاکٹر بابر اعوان وی موجود ہن۔ چوہدری فواد حسین آکھیا جو سپریم کورٹ اچ اڄ کیس دی سݨیج تھئی اے، صدارتی ریفرنس تے وی ڳالھ تھئی اے، آرٹیکل 63 اے آئین دا بنیادی حصہ اے، سپریم کوٹ کوں آکھے جو اڄوکے حالات اچ آرٹیکل 63 اے دی تشریح کیتی ونڄے اتے ݙسیا ونڄے جو پاکستان دے آئین دے تحت ضمیر فروشی، لوٹا کریسی، ووٹ ویچݨ دی موکل ھے یا کائنا، ۔ سپریم کورٹ توں جو وی جواب امسی، او عوام دے سامھے رکھیسوں۔
