وزيراعظم پاران گرمين ۾ بجلي جي پهچ جي نظام کي بهتر بڻائڻ ۽ لوڊ مئنيجمينٽ جي مناسب قدمن ۽ حڪمت عملي کي جلد کان جلد حتمي شڪل ڏيڻ جي هدايت

Prime Minister Muhammad Shehbaz Sharif chairs a meeting on Power Load Management in Islamabad on February 21, 2023.

اسلام آباد – 21 – فيبروري (اي پي پي) وزيراعظم محمد شهباز شريف گرمين ۾ بجلي جي پهچ جي نظام کي بهتر بڻائڻ ۽ لوڊ مئنيجمينٽ جي مناسب قدمن ۽ حڪمت عملي کي جلد کان جلد حتمي شڪل ڏيڻ جي هدايت ڪئي آهي. وزيراعظم محمد شهباز شريف جي صدارت ۾ گرمي جي موسم ۾ بجلي جي پهچ ۽ لوڊ مئنيجمينٽ جي حوالي سان هڪ اهم جائزه اجلاس ٿيو. اجلاس جي شرڪت ڪندڙن سان ڳالهائيندي وزيراعظم چيو ته گرمين جي موسم ۾ بجلي جي پهچ جي نظام کي بهتر بڻائڻ ۽ ان حوالي سان لوڊ مئنيجمينٽ جا مناسب قدم کنيا وڃن. هن هدايت ڪئي ته ان تجويز ڪيل حڪمت عملي کي جلد کان جلد حتمي شڪل ڏني وڃي ته جيئن گرمي جي اچڻ کان اڳ ??اڳ??پيل ادارن وٽ هڪ ٺوس ۽ جامع پلان موجود هجي. وزيراعظم چيو ته گرمين جي مهينن خاص طور تي رمضان المبارڪ دوران گهٽ کان گهٽ لوڊشيڊنگ ڪئي وڃي. وزيراعظم ان ڳالهه تي اطمينان جو اظهار ڪيو ته بجلي جي پيداوار جي حوالي سان انرجي مڪس ۾ مقامي ٻارڻ ۽ متبادل وسيلن جو حصو مسلسل وڌي رهيو آ??ي جنهن جي ڪري مهانگي درآمدي ٻارڻ تي دارومدار گهٽ ٿي رهيو آ??ي ۽ درآمدي بل ۾ پڻ خاطرخواهه گهٽتائي اچي رهي آهي. وزيراعظم هدايت ڪئي ته حويلي بهادر شاهه پاور پلانٽ کي مڪمل آپريشنل بڻائڻ جي لاءِ فوري طور تي قدم کنيا وڃن. هن پاور ڊويزن، پيٽروليم ڊويزن ۽ ٻين ??اڳ??پيل ادارن کي بجلي جي پيداوار ۽ لوڊ مئنيجمينٽ جي حوالي سان هم آهنگي ۽ رابطو بهتر بڻائڻ جي پڻ هدايت ڪئي. اجلاس ۾ وزيراعظم کي بجلي جي پيداوار ۽ لوڊ مئنيجمينٽ جي حوالي سان تفصيلي بريفنگ پڻ ڏني وئي جنهن ۾ ٻڌايو ??يو ته عوام تي بجلي جي لوڊشيڊنگ جو بار گهٽ کان گهٽ وجهڻ جي لاءِ موثر قدم کنيا پيا وڃن. اجلاس ۾ ناڻي ۽ اوڳاڙين واري وفاقي وزير اسحاق ڊار، توانائي واري وفاقي وزير انجنيئر خرم دستگير، اطلاعات ۽ نشريات واري وفاقي وزير مريم اورنگزيب، وزيراعظم جي خاص معاون جهازيب خان ۽ ??اڳ??پيل اعليٰ سرڪاري آفيسرن شرڪت ڪئي.