آرمی چیف لاوݨ بارے کوئی ڈیڈ لاک کائنی، مشاورت 18 نومبر توں بعد کیتی ویسی، وزیر دفاع خواجہ محمد آصف

اسلام آباد۔15نومبر(اے پی پی)وزیر دفاع خواجہ محمد آصف آکھیے جو آرمی چیف دی تقرری بارے صلاح مشورہ 18 یا 19 نومبر دے بعد ہی تھیسی، نواں سپہ سالار لاوݨ کیتے مسلم لیگ ن دا کوئی وی فیورٹ کائنی۔ پارلیمنٹ ہاؤس دے باہرو میڈیا نال الیندے انہاں آکھیا ڄیڑھا ناں فوج ٻھڄیسی، مشاورت وی اوندے تے تھیوݨی اے۔ آرمی چیف دے ناں تے ڈیڈ لاک بارے انہاں آکھیا ڄݙاں مشاورت ہی نئیں تھئی تاں ول ڈیڈ لاک کیہاں؟ ایں سانڳے مشاورت 18 یا 19 نومبر دے بعد ہی کیتی ویسی جو حالی تئیں فوج آرمی چیف لاوݨ کیتے کوئی وی ناں نئیں ٻھیڄیا۔ انہاں آکھیا جو عمران خان اپݨی ذات کیتے قومی مفاد دا تے لیندے پن، عمران خان دے اڄوکے بیاناں تے قانونی کارروائی تھیوݨی چاہیدی اے، او الزامات لا تے ساݙے بین الاقوامی تعلقات خراب کریندے پن، ذاتی مفاد کیتے ملکی سالمیت اتے وقار نال کھیݙݨ وݙا جرم اے۔

مضمون کا ماخذ : وائکنگز گو برزرک

متعلقہ مضامین