اسلام آباد۔4مئی(اے پی پی)وزیراعظم عمران خان سارے مذاہب دے منݨ آلیاں دی دل آزاری روکݨ کیتے قانونی اقدامات تے زور ݙیندے آکھیے جو دہشت گردی اتے انتہا پسندی دا کوئی مذہب نئیں ہوندا آزادی اظہار دی اݙ اچ ناموس رسالتﷺ دی گستاخی ݙیݙھ ارب مسلماناں دی دل آزاری تھیندی اے، اسلامو فوبیا نال بین المذاہب نفرت دی بھا بھڑکدی اے جیکوں ٻڄھاوݨ کیتے اجتماعی کوششاں کرݨ دی لوڑھ اے۔ اے ڳالھ انہاں اسلامی تعاون تنظیم دے رکن ممالک دے سفیراں نال ملݨ ویلھے آکھی۔ وزیراعظم آکھیے جو اسلاموفوبیا دا مسئلہ پہلے توں ودھ ڳئے، میں وزیراعظم بݨݨ دے بعد کوشش کیتی اے جو مسلم ممالک اتے مغرب وچال ودھدی خلیج ڳھٹائی ونڄے، اسلامی دنیا نبی کریم ﷺ دی ناموس اچ گستاخی برداشت نئیں کریندی، مغرب ایوکں آزادی اظہار سمجھدے اتے مسلماناں دے جذبات نئین سمجھدا اتے مسلمان وی مغربی ممالک دے ذہن کوٻں نئیں سمجھدیندے۔ انہاں آکھیا جو مسلمان ممالک کوں مغرب کوں اپݨے احساسات اتے جذبات سمجھاوݨ کیتے ٹھوس کوششاں کرݨیاں چاہیدن جو ولا اینڄھے واقعات نہ تھیون، اساں رل تے سمجھاوں جو ساݙے نبی کریم ﷺ دی ناموس اتے احترام ٻہوں اہم معاملہا ے، اساں ناموس رسالت اچ گستاخی کہیں صورت برداشت نئیں کرسڳدے، دہشت گردی اتے اسلام دا کوئی تعلق نئیں، شدت پسندی کوں اسلام نال جورݨ نال عالمی سطح تے مسلمان متاثر تھیندن ۔ وزیراعظم آکھیے جو او آئی سی عالمی سطح تے آگاہی کیتے کردارادا کرے اتے اسلام دے صحیح تشخص اتے امن دے سنیہے کوں ودھاوے۔
.jpg)
.jpg)