صوبائی محتسب عوامی اعتماد برقرار رکھݨ کیتے آپݨے فیصلیں تے وختی عمل درآمد یقینی بݨاون ،صدر مملکت ڈاکٹر عارف علوی

اسلام آباد۔4اپریل (اے پی پی):صدر مملکت ڈاکٹر عارف علوی سرکاری اداریں دی بدانتظامی دے خلاف عوامی شکایتاں دے ازالے دی لوڑھ تے زور ݙیندے ہوئیں آکھیے جو صوبائی محتسب عوامی اعتماد برقرار رکھݨ کیتے اپݨے فیصلیں تے وختی عمل درآمد یقینی بݨاون ۔ ایوان صدر دے پریس ونگ توں جاری بیان موجب صدر مملکت اے ڳالھ صوبائی محتسب بلوچستان نذر محمد بلوچ نال ڳالھ مہاڑکریندے ہوئیں آکھی اے جنہاں اتھاں انہاں دے نال ایوان صدر اچ ملاقات کیتی ۔ ایں موقع تے صوبائی محتسب بلوچستان صدر مملکت کوں ادارے دی رپورٹ سال 2021 پیش کیتی۔ صدر آکھیے سرکاری اداریں دی بدانتظامی دے خلاف عوامی شکایتاں دا وختی ازالہ ضروری اے ، وفاقی تے صوبائی محتسبین فراہمی ِانصاف اچ کردار ادا کرسڳدن ۔ ڈاکٹر عارف علوی آکھیے محتسبین دی خدمات زیادہ لوکاں تئیں پڄاوݨ کیتے انہاں کوں تکڑا بݨاوݨ ناگزیر اے، لوکاں کوں انہاں دی دہلیز تے فراہمی ِانصاف کیتے محتسب دی رسائی کو پرے دے علاقیں اچ تئیں ودھاوݨاں اہیدے ۔ صدر مملکت آکھیے صوبائی محتسب عوامی اعتماد برقرار رکھݨ کیتے آپݨے فیصلیں تے وختی عمل درآمد یقینی بݨاون ، بلوچستان دے عوام کوں محتسب دے کردار بارے آڳاہی ݙیوݨ کیتے موثر آگاہی مہم شروع کیتی ونڄے ۔

مضمون کا ماخذ : ڈریگن کی قسمت

متعلقہ مضامین