استنبول۔26نومبر (اے پی پی) وزیر اعظم محمد شہباز شریف ترکیہ دے سرمایہ کاراں اتے کاروباری برادری کوں پاکستان اچ مختلف شعبیاں اچ دستیاب پرکشش موقعیاں توں فائدہ چاوݨ دی دعوت ݙیندیں ہوئیں آکھیا جو ملک اچ خصوصی طور قابل تجدید توانائی، دفاعی پیداوار، شمسی توانائی سودھے متنوع شعبیاں اچ ترک سرمایہ کاراں کوں خیر مقدم کریسوں۔ تجارت اتے سرمایہ کاری ودھاوݨ بارے اقدامات کریندے پیوں اتے ترکیہ نال ترائے سالیں اچ آپسی تجارتی حجم کوں پنڄ ارب ڈالر تئین ودھاوݨ کیتے پرعزم ہیسے۔ اے ڳالھیں انہاں چھݨ چھݨ کوں اتھاں پاکستان ترکیہ بزنس کونسل دے اجلاس توں خطاب کریندیں ہوئیں آکھی۔ انہاں آکھیا جو پاکستان اتے ترکیہ وچال تجارت، دفاعی پیداوار سودھےمختلف شعبیاں اچ تعاون مضبوط کرݨ تے پیشرفت تھئی اے۔ پاکستان اچ تجارت اتے سرمایہ کاری کوں سوکھا ٻݨاوݨ کیتے کم کریندے پیوں۔ وزیراعظم محمد شہباز شریف آکھیا جو استنبول اچ پاکستان ترکیہ بزنس کونسل دے اجلاس نال ݙوہیں برادر ملکاں وچال تجارت ودھسی۔ ݙوہیں ملکاں وچال مختلف شعبیاں اچ تعاون دے وسیع موقع ہن۔ ماضی اچ ترکیہ وچال مختلف شعبیاں اچ تعاون دے وسیع موقع ہن۔ ماضی اچ ترکیہ دی کجھ کمپنیاں کیتے پاکستان اچ اوکھ رہی اے۔ ترکیہ دے سرمایہ کاراں دے مسئلیاں دا ازالہ کرݨ کیتے کم کریندے پیوں۔ وزیراعظم محمد شہباز شریف آکھیا جو پاکستان اتے ترکیہ وچال برادرانہ تعلقات ہن، ترکیہ دے سرمایہ کاراں کیتے پاکستان اچ تجارت اتے سرمایہ کاری کوں سوکھا ٻݨاوݨ کیتے کم کریندے پیوں۔ وزیراعظم گزریل ݙینھاں اچ ترکیہ اچ دہشت گردی دے واقعے دی مذمت کریندیں ہوئیں آکھیا جو ترکیہ پاکستان وانڳ دہشت گردی دا نشانہ ٻݨدا رہندے۔ انہاں استنبول اچ دہشت گردی اچ انسانی جاناں دے ضیان تے ݙکھ تے افسوس کیتا۔ انہاں آکھیا جو دہشت گردی کوں رہاوݨ کیتے معاشرے دے ہر طبقے کوں قربانیاں ݙتن، دہشت گرد انسانیت دے درجے توں گرے ہوئن۔ وزیراعظم شہباز شریف پاکستان اچ اڄوکے چھل پاروں تھیوݨ آلی تباہی دا ذکر کریندیں ہوئیں آکھیا جو پاکستان اچ چھل پاروں ساݙھے ترائے کروڑ لوک متاثر تھین جڈانجو ایں پاروں ہک ہزار ست سو بندے جاں بحق تھین۔ انہاں پاکستان دے چھل متاثرین دی امداد کیتے ترکیہ دی حکومت اتے عوام دا شکریہ ادا کیتا۔ انہاں آکھیا جو ملک اچ خصوصی طور قابل تجدید توانائی، دفاعی پیداوار، شمسی توانائی سودھے متنوع شعبیاں اچ ترک سرمایہ کاراں کوں خیر مقدم کریسوں۔ تجارت اتے سرمایہ کاری ودھاوݨ بارے اقدامات کریندے پیوں اتے ترکیہ نال ترائے سالیں اچ آپسی تجارتی حجم کوں پنڄ ارب ڈالر تئین ودھاوݨ کیتے پرعزم ہیسے۔اساں ترکی نال تجارت اچ ودھارے کیتے مفاہمت دی یادداشت تے دستخط کیتن۔ ایں موقع تے وفاقی وزیر تجارت سید نوید قمر اتے وفاقی وزیر اطلاعات تے نشریات مریم اورنگزیب اتے پاکستانی وفد اچ شامل ٻے حکام وی موجود ہن۔
