پاڪستان اسرندڙ ملڪن جي تنظيم جي – 77 ۽ چين جي چيئرمين شپ باضابطا طور تي ڪيوبا حوالي
APP26-130123
NEWYORK: January 13- Foreign Minister Pakistan Bilawal Bhutto Zardari speaking on the occasion of Handing over ceremony of G77 & China Chairmanship in NewYork United Nations. APP/ MAF/ABB/SSH
اسلام آباد – 13 – جنوري (اي پي پي) پاڪستان اسرندڙ ملڪن جي تنظيم جي – 77 ۽ چين جي چيئرمين شپ باضابطا طور تي ڪيوبا جي حوالي ڪري ڇڏي. 134 رڪني گر??پ جي چيئرمين شپ جي منتقلي جي ٽرسٽي شپ ڪائونسل ۾ منعقد ٿيندڙ تقريب کي پاڪستان جي پرڏيهي وزير بلاول ڀٽو زرداري وڊيو خطاب ڪيو. هن چيو ته هو گر??پ جي چيئرمين شپ ڪيوبا جي هم منصب ۽ پنهنجي دوست برونوروڊ ريگوئيز پارلا کي منتقل ڪرڻ تي فخر محسوس ڪري رهيو آهي. هن چيو ته پاڪستان جي قيادت ۾ اسرندڙ ملڪن جي مٿي ڄاڻايل چئلينجز کي منهن ڏيڻ جي گڏيل عزم ۽ اتحاد تي ٻڌل ڪوششن جا مثبت نتيجا سامهون اچي رهيا آهن. پرڏيهي وزير جي خطاب کانپوءِ گڏيل قومن ۾ پاڪستان جي مستقل نمائندي منير اڪرم گر??پ جو ”گريول“ ڪيوبا جي پرڏيهي وزير جي حوالي ڪيو. گر??پ جي نئين چيئرمين پنهنجي خطاب ۾ 2022ع دوران گر??پ جي شاندار قيادت تي پاڪستان جي ڪوششن کي ساراهيو. پاڪستان ان گر??پ جي باني ميمبرن ۾ شامل آهي ۽ هن گر??پ جي چيئرمين شپ 14 جنوري 2022ع تي سنڀالي هئي. پاڪستان جي چيئرمين شپ جي مدي دوران گروپ ترقي کي گڏيل قومن جي ايجنڊا ۾ مرڪزي اهميت ڏياري ۽ اسرندڙ ملڪن جي ڪوويڊ 19 جي عالمي وبا، ماحولياتي تبديلين جي وڌندڙ منفي اثرن، اقتصادي عدم توازن، قرضن جي بحران، مهانگائي، غذائي عدم تحفظ ۽ تڪرارن جهڙن چئلينجز کي منهن ڏيڻ ۾ اهم ڪردار ادا ڪيو. پنهنجي خطاب ۾ پرڏيهي وزير بلاول ڀٽو زرداري چيو ته پاڪستان ان کان اڳ 3 ڀيرا گر??پ جي قيادت ڪري چڪو آهي. هن وڌيڪ چيو ته پاڪستان جي قيادت ۾ گروپ مٿي ڄاڻايل چئلينجز کي منهن ڏيڻ جي لاءِ اهم معاهدن ۽ منظم ردعمل کي حتمي شڪل ڏيڻ ۾ ڪاميابي حاصل ڪئي. ان ۾ فنانسنگ فار ڊيولپمينٽ فورم ۾ پائيدار ترقي جا هدف حاصل ڪرڻ جو معاهدو، اعليٰ سطحي سياسي فورم ۾ پائيدار ترقياتي هدف حاصل ڪرڻ جي طريقن تي بحث، گڏيل قومن جي جنرل اسيمبلي جي 77 هين اجلاس ۾ وڏي اقتصادي، ترقياتي ۽ ماحولياتي معاملن تي اتفاق راءِ، ڪوپ – 27 ۾ لاس اينڊ ڊيميج فنڊ قائم ڪرڻ جو تاريخي فيصلو ۽ گذريل مهيني گر??پ جي وزارتي ڪانفرنس ۾ غذائي، ٻارڻ ۽ مالياتي بحرانن جي اثرن کي گهٽ ڪرڻ جي لاءِ فوري ۽ ڍانچاجاتي قدمن تي هڪ موقف تي اتفاق راءِ حاصل ڪرڻ خاص طور تي قابل ذڪر آهن جن سان پائيدار ترقياتي هدف 2030ع ۽ ماحولياتي تحفظ جي لاءِ پيرس معاهدي تي اڳڀرائي ۾ مدد ملي آهي. اهي قدم ان ڳالهه جو ثبوت آهن ته اتحاد ۽ گڏيل ڪوششن سان اسان ترقي ۽ خوشحالي جي حوالي سان درپيش چئلينجز تي ضابطو آڻڻ جي لاءِ گهربل فيصلا ڪري سگهون ٿا. هن چيو ته انهن مقصدن کي حاصل ڪرڻ جي لاءِ گر??پ جي ميمبرن کي گڏيل اتحاد، تعامل ۽ گڏيل ڪوششن کي جاري رکڻو پوندو ته جيئن پائيدار ترقياتي هدفن تي هلندڙ س??ل ٿيندڙ سربراهي اجلاس ۽ ڪوپ 28 ۾ وڌيڪ ڪاميابيون حاصل ڪري سگهجن. ان سلسلي ۾ گر??پ جي مالي مشڪلاتن جو شڪار 60 ميمبر ملڪن جي قرضن ۾ ريليف ۽ ري اسٽرڪچرنگ، هڪ سئو کان وڌيڪ اسرندڙ ملڪن کي گهربل مالياتي رعايتن ۽ ليڪويڊٽي جي فراهمي جي لاءِ غيراستعم??ل ٿيل ايس ڊي آرز جي ري چينلنگ، بک جو شڪار 25 ڪروڙ ماڻهن کي خوراڪ جي فراهمي، ماحولياتي تبديلين جي خطرن جو شڪار ملڪن جي مدد ۽ قدرتي آفتن سان تباهي کانپوءِ انهن جي نئين سر تعمير ۾ معاونت خاص طور تي قابل ذڪر آهن.
