سابق حکومت تھرکول دے منصوبیں اچ مجرمانہ غفلت دا مظاہرہ کیتے،اساں اے مکمل کرݙتے ،وفاقی وزیر بجلی خرم دستگیر

اسلام آباد۔10اپریل(اے پی پی):وفاقی وزیر بجلی خرم دستگیر آکھیے سابق حکومت تھرکول دے منصوبیں اچ مجرمانہ غفلت دا مظاہرہ کیتے، اے پاکستان دا مستقبل اے، موجودہ حکومت تھرکول دے سارے منصوبے مکمل کیتن ، ݙوجھی ٹرانسمیشن لائن وی آندے چار ہفتے اچ مکمل تھی ویسی ۔ سینیٹ دے اجلاس اچ سینیٹر تاج حیدر دی تحریک تے بحث سنبھیندے ہوئیں انہاں آکھیے 2014 اچ سابق وزیراعظم نواز شریف اتے سابق صدر آصف علی زرداری دی سرپرستی اچ وفاقی تے صوبائی حکومتاں دے تعاون نال تھر اچ بجلی دی پیداوار دے منصوبے دا آغاز تھیا ہئی، تھرکول دے 4 منصوبے سابق حکومت دی عدم توجہی اتے مجرمانہ غفلت دا شکار تھئن لیکن اساں او منصوبے مکمل کیتے ، ہݨ تھر دا کوئی منصوبہ زیر تعمیر کائنی ۔انہاں آکھیے ھرکول توں 3300 میگاواٹ بجلی ملدی پئی اے ݙوجھی ٹرانسمیشن لائن تے وی اساں 88فیصد کم مکمل کر ڳھدے آندے 4 ہفتے اچ منصوبہ مکمل تھی ویسی تے انرجی مکس اچ پاکستان دے کولیں توں پیدا تھیوݨ آلی بجلی شامل کیتی ویسی ۔

مضمون کا ماخذ : ماہی گیری کا جنون

متعلقہ مضامین