تریمتاں کوں ہنرمند بݨاوݨ کیتے بھرپور اقدامات دی لوڑھ اے، پاکستان دی معیشت دی بہتری کیتے خواتین دا کردار اہمیت دا حامل اے، صدر مملکت ڈاکٹر عارف علوی دا ”خوشحال پاکستان” دے عنوان توں منعقدہ تقریب توں خطاب

APP42-040122 ISLAMABAD: January 04 President Dr. Arif Alvi addressing an event titled, Prosper Pakistan. APP

اسلام آباد۔4جنوری (اے پی پی):صدر مملکت ڈاکٹر عارف علوی تریمتاں کوں ہنرمند بݨاوݨ کیتے بھرپور اقدا??ات دی لوڑھ تے زور ݙیندے ہوئیں آکھیے جو پاکستان دی معیشت دی بہتری کیتے تریمتاں دا کردار اہمیت دا حامل اے، فنی تربیت دا حصول نینگراں بالخصوص خواتین کیتے ٻہوں ضروری اے،حکومت خواتین کوں معاشی طور تے بااختیار بݨاوݨ کیتے انہاں کوں بینکاں دے ذریعے قرضے ݙیندی پئی اے ، اے ڳال انہاں منڳل کوں اتھاں ”خوشحال پاکستان” دے عنوان توں منعقدہ تقریب توں خطاب کریندے ہوئیں آکھی اے اہتمام ٹیکنیکل ایجوکیشن اینڈ ووکیشنل ٹریننگ اتھارٹی (ٹیوٹا) فیس بک دے اشتراک توں کیتا ہئی ۔ صدر مملکت آکھیے جو تریمتاں کوں حصول تعلیم دے بعد عملی میدان اچ کردار نبھاوݨا چاہیدے ، فنی تربیت دا حصول نینگراں کیتے ٻہوں ضروری اے ، اوملکاں دی ترقی دی منزلاں طے کریندے ہوئیں جو نویں رجحان کوں سنڄݨیندن ،2030ء تئیں دنیا کوں سائبر سکیورٹی اچ 4 کروڑ لوکاں دی لوڑھ ہوسی ، ورچوئل یونیورسٹی گھٹ پیسیں اچ معیاری تعلیم ݙیندی پئی اے ۔صدر فاصلاتی تعلیم دے مواقع کوں ودھاوݨ دی لوڑھ تے زور ݙتے اتے آکھیے جو پاکستان دی معیشت کوں اڳوں گھن ونڄݨ اچ تریمتاں دا کردار ن??ای??ں کردار ہووݨا چاہیدے ۔